ابتدت التجهيزات بدري طبعاا وكان الموعد \ ليلة العيد

إلي بالكيس ع جنب كانت هدايا ذكرى للحضوور

الطاوولة قبل الزحمه

وشغلنا الشمووع

●●●

مبين كل شئ مولع ولا باين شئ لوووول

والسبب ان الشموع كانت

happy birthday

لاصقه ببعض و ولعت كلها

●●●

حتى الـ 20 مابينت زين

●●●

وطفيتهم .. وتمنيت

●●●

كل عام و آنا بخير

happy birthday too me

ثانكس مرره لكل القيرلز إلي حضروو

خصوصا ماي فرندز

الله يخليكم لي

●●●

حتى المطر !

إلي أشوفه وتشوفه ، يسألني عنك ، ليه افترقنا
يقول ما لامس ايدينا .. ما رسلنا معاه شوق التلاقي
يقول ما لمح شئ بالسما .. ما رسمنا قلبين بالغيم

..

..

يقول مو مصدق !
بعد دفئ حضنك ، أعيش برد فرقاك ..
بعد امان قربك ، أعيش فوضى غيابك ..
يقول احتار !
دموعي اكثر لو قطراته ..
أنفاسي أسرع لو هباته ..!
يقول مايدري !
بعده أي شمس بتشرق ، أي لون بيترك وراه ..
أسود أو رمادي ..

..

..

تخيل !
يقولي حزني عليك جابـه ..
يقولي دمعك غرق الوساده ..
وانك ماتنام ، واحلامك تصورني بلا سعادة !
وانك تبيني ، وطيفي ماتنساه ، وتعبتك هالعاده !

..

..

 يامطر قول له ..
وحشني جنونه .. نظرة عيونه .. عذوبة همساته ..!
قول له !
أي سعادة إلي بتجيني بلا وجوده ..
أي مكان إلي يحتويني بلا احساسه ..
أنا وياه ، يا مطر ..
قلوب فرقها القهر ..
قصه عشق منقوشه في حجر..
حب اندفن ماله أمل يحيا عمر ..

..

..

روح يا باقي ذكرانا
اسكن نفوس عديده ، وارسم قلوب سعيده
وانقش حروف جديده ، ولا تنسى تحكي قصتنا الكئيبه
قول لهم يا مطر
ان فراقنا ماهو بيدينا ..
وانا انتهينا ..!

بـ قلمي .. نوارة

  

 زوايا الوجدان

طال السهر .. وانطفأت الأنوار

وأنت لازلت هناك ..

في زوايا الوجدان ..!

بالرغم من تجاهلك وصدك الجاف ..

تبقى هناك

 ..

اشعر بوجودك ما يطلقون عليه ( عشقاً ) !

واردد عند رحيلك ترانيم الشوق ..

في حالة لا يولد فيها عشاق ..

يعوقها التجاهل ..!

اسمع فيها سكوتك ..

وألاحق عينان لا تنظران إلي ..

و جسد لا يأبه بوجودي

وتحتويك زواياي رغم صدودك ..!

..

أنا هنا في هذا المكان ..

وقد وعدت قلبي بتحدي غرورك ..

التفت .. لترى انه لم يعد لك مرسى ..

سوى عينــاي ..!

اصرخ .. فلا احد يسمعك ..

سوى أذناي ..!

فأنا وقلبي نسير معك بلا وعي ..

انظر في ملامحك بلا ملل ..

و أراقب تحركاتك بلا كدر ..

أحيا بك قصة عشق بلا ( أمل ) ..!

ولا تزال هناك ..!

..

تنفس يا عاشقي .. فأنفاسك هوائي

لاتخنقني بجمودك ..

أملأ الأماكن بأنفاسك .. لا تدع حتى لذرات الغبار ملجأ فيها ..

فالقلوب تحيا وتموت .. وقلبي لا يعرف حياة بدونك ..

رغم تجاهلك .. سأقول لك ..

حيا الله الحلوين  الشينين لا  >> ماعندها سالفه

هذا البلووق زي ( حدث في مثل هذا اليوم ) اذا تذكروونه  اغلب القنوات  يحطوونه

بسم الله نبدأ

   1427/4/30  

للاسف هذا يوم أسوود بحياتي

أول يوم في الامتحانات النهائيه في ثالث ثانووي .. مااقدر اوصف لكم شكثر كنت متحمسه للامتحانات وخصوصا اول يوم (الرياضيات ) كنت واثقه اني بحل اووكى حتى لو ماعرفت كل الاسئله بس اكيد بحل .. والله المنهج سهل مرره بس ماادري ليش يعقدووه !! .. المهم ماعلينا ذاكرته اسبووع هذا وانا مراجعته من قبل .. ونمت ليله السبت بهدووء واحاول اطمن نفسي ان مافيه شئ يخووف .. والكل قبلي عدووه .. انا مااعديه ؟؟ لا مستحيل ! ومن هالكلام الا يريح اعصابي هههه

الصباح .. الساعه 6 ونص يدق جوالي منبه .. دعااء .. عشان نفسي تهدأ ولا ارتبك .. قريته ولبست وراجعت القوانين المهمه وشربت لي كووب عصير و وصلني اخوي المدرسه وانا طبعا مبتسمه  دخلت المدرسه وانا اقول كل شئ يجي على بالي دعاء .. قران .. الا يجي .. رحت مكاان مانجلس ونفس الشئ لقيت الاغلبيه مرتاح مع شوويه خووف .. كلما قرب الجرس يدق بدت الربكه بالمكاان .. وين ذيك الورقه كاتبه فيها قوانين مهمه .. و وين رسم المنحنيااات ماراجعتهم .. و وين وين .. دق الجرس وكالعااده ( صرخه جميله من افوااه الفتيات ) هههه تخليك تحس جد ان الجرس دق !!  وانوو لا مفر

دخلنا القاعات .. انتظرنا لين ماوصلت الاوراق وكان طبعا أول لقاء مع دفتر الوزارة .. و اول لقاء بعد مع اسالتهم الا كنا نستناها من اول يوم دخلنا ثالث !!

فتحنا الدفتر والورقه وبسم الله ..

أول سؤال قريته مره مرتين ماادخل مخي قلت اجل هووو الا يقولون عنه السؤال الي يغيرون صيفته عن المنهج !!  >>على نياتي .. قلت اكيد الباقي سهلين اجل .. وخليت صفحه له ورحت للسؤال الثاني والثالث والرابع وانا كل سؤال ابدي به بسطرين ومااعرف اكمل !! عااد وقتها جااني الرعب في قلبي وقمت اطالع البنات بالقاعه

واقوول لنفسي .. يمااه البنات يحلون .. اجل بس انا الا مو عارفه  وش اسوووي اشكالهم عاديه ما كأنه الاسئله صعبه .. لا يكون ورقتي غيرر >> قمة الدلاخه خخخخ

ورجعت احووس بورقتي وقلبي يدق بشكل مو طبيعي حتى شكيت صوووته طالع بالقاعه كلها خخخخخ .. وكنت اكتب كلوو بالرصاص لاني مو عارفه شئ اصلا والا اكتبه مو متاكده منه بالله وش اكتب لهم بالازرق !! جاتني المراقبه وتدق على طاولتي بقووه بالقلم .. وتقولي : حبرري مابقى وقت  !! وشووووو مابقى وقت ماحليت شئ انا وش اسوي يااربي .. وفي هالحظه بدت الدمووع تتجمع بعيني  وحاولت قد مااقدر مااطلعها لاني مااحب اربك احد معااي ..! قلت لها وشلوون مابقى وقت ؟ كم ساعه الامتحان ؟! قالت لي رااح نص الوقت .. حاولي تحبري بسرعه مافيه زياده !! وارجع اسأل نفسي وش احبر  وانا مو عارفه احل شئ

قلت لنفسي خلاص مايصير كذا لازم استجمع قووتي .. واحاول مع اني حاولت من قبل وماحسيت طلع مني شئ جديد .. وحبرت الا حسيته ممكن يطلع منه شئ صح .. ومن كثر الخووف والرعب اني مو عارفه احل شئ والافكار براسي كييييف مااعرف والرياضيات اهم شئ وبتطيح نسبتي اذا ماحليت ولا بدخل الجامعه .. و و و خلاص لهنا راسي صدع بقووه وجسمي بررد بزياده وحسيت نفسي بطيح .. قلت للمراقبه ابي مااااي .. وجابت لي .. كاس كاسين ثلاثه .. كنت اشرب ومااحس من كثر الخووف .. شربت 3 كاسات بدون حوااس  ومر الوقت وراحت ربع ساعه وانا حاطه راسي عالدرج ابي اهدأ بس .. قالت : بااقي نص ساعه يابناات الا ماحبرت تحبر .. وانا اقول في نفسي وش فيهااا ذي ماتحس تجي تحل بشوووف  اذا تعررف !! وترجع الافكار كيف اسلم الدفتر كذا ومافيه شئ ينفهم وينحط عليه درجاات .. لا مابسلمه واذا سحبته من عندي وش اسوي  قلت يا بنت بلا هالحركات الدفتر رايح رايح .. خليني ارسم هالمنحنى الا مدري من وين جايبين معادلته الله لا يوفقك يالي حطيته .. ورسمته وشكله ابد ماعجبني مامر علي قلت ينقللللع حتى لو خطا ولا اتركه فااضي

سلمت الدفتر .. وانا فيني الصيحه وماسكتها من اول الامتحاان .. وقعت .. وطلعت من القاعه .. ماقدرت امشي حسيت اني مصدووومه بقوووه وكانه احد عاطني كف من آخر الدنيا  جلست شووي عالدرج قبل مااروح اشوف صديقاتي .. وانا امسح دموعي واقول لنفسي هذي أولها يا نوارة كيف تاليها .. وش بسووي بالباقي اجل وين حماسي كيف بجيب نسبه .. ليه ياربي يصير لي كذا لييه  قمت ورحت لصديقاتي اول وحده قابلتني منهم عيونها جمر وشكلها كانها توها مخلصه صيااح !! .. يالله احبس دموعي وتجي لي تصيح .. جلست ابكي معاها تقولوا متوفي لنا وااحد !! وطلعوا من القاعات وحده ورا الثانيه والكل مصدووم ويبكي

حاولنا نحل مع بعض .. مااستسلمنا .. انا اقول حطيت هذا الاختيار و وحده تقول حطيت هذا والخ وطبعا مااعندنا جواب اكيييد .. الا فاجئنا انوو جابوا لنا ممرضات من كثر حالات الاغماء ..!

الحمد لله مااحد من الشله صاابه شئ من الصدمه .. بس الغررريب ان بعد ساعه كذا من خروجنا من الامتحان صابتنا حاله هستيريا

والله قمنا نضحك كثر مابكينا !!

حتى احنا كنا مستغربين من نفسنا .. يعني باختصار هذي آثار الصدمه خخخخ

خلص الامتحاان والكل رااح بيته الحمد لله لكن كنا بمعنى الكلمه

محطميـــــــن 

بعد اياام من الصدمه .. اشتغلت صحافيه خخخ .. نسيت اقولكم ان كنا نتابع آخر اصداء الامتحان بالجرايد كل يووم .. نتجمع و وحده تقرا بصوت عالي واحنا نسمع هههههه وحده تتذكر وتبكي و وحده تضحك و وحده مبسوطه صرنا مشهورين خخخخخ

خذيت أقوال الشله وكان السؤال :

ماهو رأيكِ بإمتحان الرياضيات ؟

واليكم الاجوبه ( واخلي مسؤليتي من جميع الاقوال .. فهي تعبير عن رأيهم الشخصي ليس إلا ) خخ

لا أمل في نسبة بعد امتحان الرياضيات م0ع
لم اخرج منه الا بآلم الرأس ك0ح
سئ وليس على مستوى عقلية البنات ه0ف
مالت عليكم وعلى هالاسئله ياطايحين الحظ أ.ر
ليس هناك وقت كافي والاسئله صعبه ز.ح
التحطيم و زرع العقد النفسيه ف0ع
والله الاسئله مايحلها حتى عبقري واذا فيكم خير غيروا المناهج لكي تتطور العقول ج0ف
ويبقى للرياضيات حرقة في الفؤاد أ.خ
حطمونا بهذه الاسئله ز.ب

  1427/5/11  

آخر يوم في الامتحانات .. يوووم الحرريه  .. يوم التحرر من المدرسه للابد   هاليووم عيد انبسطناا عالآخر

 لا نجيك ولا تجينا .. عن محبتكم سلينا ..كل منا في طريقه .. انتهينا انتهينا ..!! >> اهــداء لوزارة التحطيم العالي

الحمد لله طلعت النتايج وانبسطنا و مااحد منا تووقعها ..

وشئ مهم صدمه الرياضيات علمتنا كيف نتحدى الاسئله بالمواد الثانيه  وكيف نصمد ونكمل و نتوكل على الله ..  و ان ما ااحد يقدر يحطمنا ويضيع احلامنا حتى لو كانت وزارة !!

وبدت ايام التسجيل ..

صرنا نتابع الجامعات و الكليات بشكل يومي عشان مايفوتنا شئ .. ومن كثر مااقول لابوي فيه تسجيل في كذا وكذا

جا يووم قالي : تصدقين ! يقولون فيه تسجيل بالمستوصف الا جنبنا هههههههههه  قلت ماعليه تتمسخر علّي تراا باقي اسبووع الجاي فيه تسجيل بالكليه العسكريه خخخ

مااحد يظمن نفسه بمكاان عشان كذا سجلت بأكثر من كليه ..

جامعة الملك فيصل بالدمام

كلية الامير سلطان العسكريه بالظهران

كلية الحرس الوطني بالرياض

معهد صحي

جامعه الملك سعود بالرياض

ارامكو

شفتوو ذولا كلهم .. انقبلت منهم بـ 2

جامعه الملك فيصل

و المعهد الصحي

بس

جامعه الملك سعوود كان موعد تقديم اوراقي 4 رجب مارحت .. لان طلعت نتائج الفيصل وطبعا مابختار الغربه ! والباقي ماانقبلت فيهم ..

قدمت اوراقي لجامعه الملك فيصل

و اكثر شئ طفشني هذاك اليووم البصماات .. من اول مارحت سجلت بصمتي مااخذها الجهاز الا بالمووت .. وحتى يوم الامتحان لما جوو يطابقون بصمتي ماطلعت .. وتكرر الشئ نفسه بيوم تقديم الاوراق .. جربت على 3 اجهزه وطلعت بالثالث خخخخ .. ماصارت بصمه ذي .. تقوول الي هناك الا حاطه كريم تروح تغسل يدها .. انا غسلتها ومافااد .. اقوول طيييب يمكن تغيرووا الخطوط بصبعي خخخخخ .. طفشووني طيب ياخذون بصمه صبع رجلي الكبير اكيد بتطلع واضحه !!  خخخخخخ

والشئ الثاني .. قال ايش لازم يبوون ملف اخضر مثل الا عندهم والا ماعندها تشتري .. >> نصابيين .. شرينا الملف وبقى لي عندها ريال مافيه صرف !! قلت خلاص ماابيه .. ابي ارووح البيت ارتااح تعبت من الصباح واقفه .. وانا بطلع شافتني تقولي تعااااااالي انتي ( ام رياال )  وانا اقول بنفسي وشوو ام ريال الله يرجك فشلتيني هههههههه

وانا اطالع حواالي لااحد يسممع خخخخخ

في المعهد الصحي .. تبهدلنا .. مااحد يدري من وين باب التسجيل .. آخرتها قالوا من هذا الطريق الا هوو كما نسميه بلهجتنا العريقه الجميله ( زرنوق )  يعني طرريق ضيق مرره .. عاد وقفنا ننتظر الطابور فيه .. بشووي الا شئ يشتغل فوقنا  طالعنا الا هوو مكيف توه بيتشغل .. وتششششش .. طير علينا غبااااار تقول عليه من سنين  طبعا حالة العباه ذاك الوقت ما تنوصف !!

في الرياض

رحنا الرياض انا و اختي و صديقتي حمامه السلام سمرمر ههههه  الساعه 2 وشووي الليل انطلقنا من الشرقيه .. و وصلنا الرياض تقريبا عالساعه 6 ماادري متى بالضبط لاني كنت نايمه خخخ .. انتظرنا الكليه لين فتحت .. وبعدها دخلنا سجلنا ..

حظنا حلوو كان الباص تقريبا فاضي مافيه اكثر من 20 بنت .. حتى من كثر الوناسه بالكراسي الفاضيه صررنا نسوولف على الكراسي الا قداام و ننام عالكراسي الا ورا خخخخخ ..

بعد ماخلصنا تسجيل كان امتحانا الساعه 11 .. امتحنا ورحنا الكفتيريا بنشتري غدا كنا ميتين جووع .. وفي طريقنا بنطلع من الكليه كان فيه مثل الكباين مفررقه ومرفوعه عن الارض يعني مرتفعه شووي وفيهم درج .. عاد دخلنا بنشووف وش فيها .. طلع مصلى .. دخلت بنت و وقفت عالباب الا تقول لنا ( من هنا يروحون للباص ؟؟ )  عاد وقتها لا تمسكون احد في المصلى من كثر الضحك هههههههههههههههه .. مسكينه البنت طااح وجهها لما درت انه مصلى هههههههههههه

واحنا بالباص وكل وحده رازه وجهها بالنافذه .. ننتظر يمر علينا شئ غير الصحرا الا ماشفنا غيرها من اول مادخلنا الرياض  اقوول ليه للحين ماشفنا الفيصليه !! لا يكوون بيضيعنا السواق خخخ .. جد ماشفنا شئ غير الصحرا وبعد تحريات عرفنا ان كلية الحرس الوطني بمنطقه نائيه في الرياض .. ويا خساااره مابنشووف شئ من الحركات الا عندهم  الشئ الحلوو اني ماحسيت اني احب الشرقيه هالكثرر الا لما رحت الرياض ههههههه .. ماادري حسيت اني احبهااا ومشتاقه ارجع  يا حلاتها بسس  >> لا يزعلون اهل الرياض  يحطوون بحر اصطناعي وبحبها خخخخ >> اقول طيرري

 .. شكلي طوولت عليكم >> احلفي خخخ

اشووفكم على خيرر بعد ماارجع من السفرر .. بتوحشوني

ماتووصون شئ .. ادري سلامتي وغيروو  لا يردكم الا الكيبورد

بايوو

أحلى سـلام للغاليين ..

كيفكم بعد هالغيبه الطووويله .. وحشتوووني موووت

طبعا السبيس كان معلق من شهووور ..

وظليت احاول افتحه لحد مااستسلمت انه خلاص مابيفتح .. وبديت اسووي واحد جديد..وفتح عندي على متصفح غير انترنت اكسبلور .. ونقلت الي فيه للجديد عشان الكل يقدر يشووفه .. وانا انقل الا في هالسبيس للجديد شفت ححل ثاني وهو اني احذف ( البروفيل ) من السبيس عشان يفتح .. قلت اجرب مو خسرانه شئ !!

وحذفته وفتتتتتح  عااد وقتها طررت من الفرحه وفي نفس الوقت جاني احباط  لاني بديت بواحد جديد

قلت مو مشكله مدام فتتح خلالالاص بسكر الجديد وارجع لسبيسي حبيب قلبي  الي رجع لي اخيرررا ..

 مـــــــــــــرت سنـــــــــة

على افتتاح سبيسي

 نـــــوارة

مرت سنه وهو بعده معلق .. والالم يعتصر في قلببببي >> احلى يالتعبير

  والكل يهنيني ويدعي له بالفررج والفتح

لين الله فرجها واشرررقت الانوار وغردت الطيووور ورقصت الارانب و اتسبحت البط

وفتح السبيس ورجعت الابتسامه على شفااه كل المخلوقات

عاااد هالبلووق بس تحريك لسبيس من جديد وانتظروني ان شاء الله ببلوقات جااايه..

نسيت ماقلت لكم تراني نجحت >> قديمه خخخخخ

بس لان آآخر مره كتبت بالسبيس كنت بعدي بثالث ثاانوي وانواع الخووف وكذا .. الحمد لله عدت على خير ونجحت بنسبه عاليه وحلوه بعد .. وسجلت وانقبلت بالجامعه الي ابيها و بالتخصص الي كان حلمي ادرسه ..وش اقول أكثر من الحمد لله الي حقق لي امنيتي و توكلت عليه وماخيبني ..

جايتكم بالكلام عن ايام التسجيل ومواااقف االا حصلت لي .. بالبلووق الجاي

المهم تحمدوا لسبيسي بالســـلامـــه  وادعوا له ينطلق من جديد بعد النكسه الا جاته

في أمــــان الله

 دفتــري الإمــلاء

 ..  ..

طبعا الكلمه المكتوبه ر ك ز >> ركز

خطي حركتات  مرتب

المشكله في التاريخ هههههه ماادري اذا احد يكتبه مثلي

صحيح اني قديممه4/5/1415 هـ .. زين ماذاب الدفتر من ذيك السنه للحين

اما تسطير الدفتر مافيه مثله عالـمي

ولازم تلاحظوا انها حطت لي نجمتيييين >> ايام النجوم نتهاوش عليها

 ..  ..

هنــا الغين مافي مثلها .. يعني اتقان مو طبيعي

 والطاء مو عالسطر بس حلوه .. والكلمه غ ط س .. غطس

بس مو كأنه التاريخ في هالصفحه تعووق زيادة

وبعد حاطه لي بسس نجمتين

 ..  ..

صبـر و ظفـر

مااقول الا ياصبر ايووب عالمناهج القديمه  ماعندهم الا صبر و ظفر وغطس وسبح و قفل وفتح

المفررروض وهذا الا بيصير ان شاء الله .. يصير الاملاء من كلمات العصر مثل :

جوال - بلوتوث - كمبيوتر - انترنت

.. عشاان يطلع جيل معاصر  

المهم .. طبعاً في هالصفحه

ابدعت

ماادري وش دخل الارتفاع الا بين الباء و الراء في صبـر

التاريخ نقص .. الظاهر ان المعلمه قالت لي الله يخليك لا تكمليه يجيها احباط من طريقه كتابه 1415هـ هههههه

والـ 6 موقع مناسب في العلالي

النجووم بدت تنقرض ماحطت لي الا وحدة

 ..  ..

فيه تطوور هنا .. حتى شوفوا صرت اكتب عنوان الدرس  10 كلمات كل وحده بدرجه يا دافع البلا

الحين لو نكتب باللاربع صفحات مانحصل 10 من 10

اما التاريخ لا تعليييق

والنجوووم صارت 3  اكيد ذاك الوقت فرحت بهم خخخ

مااحب طريقة كتابة كلمه ( احسنت ) احسه الا يكتبها ماله نفس  الى الحين لما يكتبوها لي احسها طالعه بدون نفس

ماادري ليش

 ..  ..

انتهت الجووله في دفتري الإملاء

ان شاء الله عجبتكم ..

فيه كثيرر صفحات بس خذيت بعضهم .. ترا كلهم درجاتي كامله فيهم .. بسم الله ماشاء الله علّي

الشئ الا مااتخيله ان يبقى خطي مثل ماهوو ههههه .. صحيح خطي الحين مو حلو مره

بس مميز و ينعرف انه خطي بسهوله

انتظر تعليقاتكم .. بارووح اتدفى برررد

فـي أمــان الله

¤..رمضــانـ  كريــمـ ..¤ 
 

بريحة العطر والمسك والعود

رمضان علينا وعليكم يعود

شهر الخير والكرم والجود

...

كـل عـام وانتووا بألف خير ..

مبــارك عليكم الشهــر

للإرسال التهنئات الخاصه بمناسبة شهر رمضان المباارك يرجى الاتصال على الرقم التالي

10121408

لا تفرحوون كثير .. هذا تاريخ ميلادي خخخخ

والله للنت وحشة و للسبيس وحشة ولكم وحشة  الله يعينا على تعب الدراسه في رمضان الى 23  ودي اسووولف بس مافيه وقت .. بس حبيت ابارك لكم بالشهر لاتقوولون نوارة بخيلة حتى ماباركت لنا  واهديكم التصميم الا بألبوم الصوور بهالمناسبه ..

 واشوفكم على خيرر

 

مــراحـب ..

يمكن ماتصدقوون اذا قلت لكم ان في هالاسبوع امتحنا رياضيات  يعني من بدايتها جد ! شكلنا مابنتفس اذا من اول اسبوع امتحان ! .. يلا الله يعين

أول يوم في المدرسه كان حلو مع إني على آخر الدوام جاني اكتئاب  ماكنت حابه مكاني بالفصل ولا مرتاحه له خصوصا إني بجلس فيه طوول السنه ..! وماكان عندي خيارات ثانيه غير هالمكان ! هذا وانا اقوول بروح من وقت عشان اشووف لي مكان حلوو   ولما وصلت المدرسه ظليت ادوور ادور اسمي على الفصول  اثاري حاطينا بنفس فصول اللعام ! قلت اففف يعني مافيه تغيير .. ملل كذا .. لكن الحمد لله ماصرت بنفس فصل اللعام بالفصل الثاني خخخ

المهم دخلت الفصل الا مافيه ولا كررسي فاضي كلها فل  شفت شلتي الكريمه الا وحشووني  طلعوا حتى هم مو شايفين كراسي فاضيه .. الا البنات محتجين والكل يبى ينقل من فصله  وجاي فصلنا ..

صفينا طابور .. حتى طابورنا مكان طابور اللعام ماغيرووه  جات المديره بطلتها البهيه .. وهنئتنا بالعام الدراسي والخ هههه يعني كلام كل سنه يقولوه  وهي تتكلم قالت : وقد شهدنا الخبر الحزين وفاة الملك فهد بن عبد العزيز رحمه الله و بايعنا الملك خالد  والا الطابوور قام ازعاااج .. غلطت المديره وقالت الملك خالد .. عاد وش يسكت البنات الحين خخ ..مدري يمكن حبت عهد الملك خالد

وقالت ان مابتنقل ولا بنت من فصلها لان التوزيع كان على حسب النسب  وهددت أول ثانوي انها مابتدخل علمي السنه الجايه الا بنسبة 85% وفووق !! يعني مديرتنا ماادري وش سالفتها كله تهدد

وبعد القرار بعدم النقل صار الفصل فاضي من البنات المحتلات واخيرا حصلنا على كراسينا المغتصبه

امممم الحمد لله المدرسات تمام وطيبين ويارب تكون سنه حلوه معاهم .. عشان ماننساها  وبالتـوفيق للجميع وان شاء الله الكل من المتفوقين هالسنه

اممممم شئ ثاني بحط جدوولي هنا  احتياط فقط عشان لا يضيع عالاقل يصير عندي مرجع للضروره

الجدوول كل الايام زي بعض كل شئ يجيب عوار الراس فيه خخخ ولا عاد الحصص الثامنه لانها كلها محجوزه اضافي واصعب شئ حصص الرياضيات آخر الدوام

والمصيبه الحاسب ثقيل الدم  بلشوونا به في ثاني جا الدور على ثالث والقهر مو ناقصين زحمه مواد ! العملي ممتع اما النظري عذااب

ادري ان سبيسي بيغبر لاني مابدخل كثير .. بس راح يكون المكان الوحيد الا اكتب فيه على راحتي طوول السنه

واحب اقول لكل طلاب ثالث ثانوي >> الا مثلي يعني ا

الاقتنــاع بإمكانيـة الوصول أول خطوة لبلوغ الهدف ..

بالتوفيق للكل ..

مــرحبا..

حبيت احط لكم بعض الاقتباسات منه في هالبلووق 

 

إدوارد بليس

 

 

 

 

هم أشخاص تعلموا أن يحملوا أنفسهم على إنجاز العمل

الذي يجب إنجازه في الوقت الذي يجب إنجازه فيه

سواء كانوا يحبون هذا العمل أم لا .

دمتم متحفزيـن

ألف الصلاة والسلام عليك ياحبيب الله محمد >> كلوووووووووووكش >الا جد تعرفون كيف يسوونها ؟؟ انا مااشوف الا اللسان يررقص بس كيف تستوي ماادري  

 حبيت أبارك لصديقتي الغاليـه

 على   الخطوبـه واقولها

 الله يووفقك ويهنيك ان شاء الله

 كل الشله فررحت لك  

و يااررب نشووفك أحلى عروس

 تستاهلي كل خيرر يا قمر 

 ألف مبروووووووووك

مني و من الفولفكس